सुषमा स्वराज – एक कणखर नेतृत्व

२०००-२००३ मध्ये त्यांनी माहिती आणि प्रसारण मंत्री म्हणून काम पाहिलं .२००३-२००४मध्ये त्यांनी आरोग्य आणि कुटुंबकल्याण मंत्री म्हणून काम पाहिलं .२००९-२०१४मध्ये त्यांनी लोकसभेतील विरोधी पक्षनेत्या म्हणून काम पाहिलं .२०१४मध्ये त्यांनी नरेंद्र मोदी सरकारमध्ये परराष्ट्र मंत्री म्हणून काम पाहिलं .

२०१४-२०१९ या काळात परराष्ट्र मंत्री म्हणून काम पाहताना त्यांनी बऱ्याच देशांबरोबरच भारताशी असलेले संबंध सुधारले होते. तसेच “ट्विटर” या सोशल मीडियाच्या माध्यमातून त्यांनी भारताबाहेर विविध कारणांनी अडकलेल्या लोकांना सुखरूपरित्या मायदेशात आणले होते. येमेन मधील संघर्षाच्या काळात त्यांनी ४७४१ भारतीयांसोबत ४८ देशातील १९४७ परदेशी नागरिकांची देखील सुटका करून त्यांना आपल्या मायदेशात पाठवले.

त्यांनी बहुतांश वेळा ट्विटरवर आलेल्या तक्रारींची वैयत्तिकरित्या दखल घेऊन त्यांना आपल्या देशा-परदेशातील कार्यालयाद्वारे वेळोवेळी मदत केली. दुबईमध्ये मानवीतस्करांच्या तावडीत सापडलेल्या एका मुलीची सुटका तसेच जर्मनीत केलेली महिलेला मदत. पाकिस्तानात वाढलेल्या मूकबधिर गीताला त्यांनी पुन्हा भारतात आणलं आणि भारतातून पाकिस्तानी मुलाला त्याच्या घरी जाण्यास केलेली मदत अशा अनेक जणांना त्यांनी मदत करून परराष्ट्र मंत्रालयाला एक मानवी चेहरा दिला.

इतकंच नव्हे तर कित्येक पाकिस्तानी नागरिकांना तात्काळ मेडिकल विजा देखील देऊ केला. त्यांचे हजरजबाबी ट्विट्सदेखील बरेच वायरल झाले होते. काही लोकांनी त्यांना आपल्या घरातल्या फ्रिज आणि गाडीबद्दलच्या तक्रारींना त्यांनी हसत खेळात उत्तरे देऊन लोकांचीही मने जिंकली.

कलम ३७० आणि ३५ ए रद्द झाल्याची माहिती मिळताच त्यांनी पंतप्रधानांचे ट्विटच्या माध्यमातून कौतुक केले आणि त्यात ते म्हणाल्या “प्रधान मंत्री जी – आपका हार्दिक अभिनन्दन. मैं अपने जीवन में इस दिन को देखने की प्रतीक्षा कर रही थी. ” आणि लगेचच काही वेळात त्यांचे निधन झाले. जणू काही ते ह्या बातमीच्या प्रतीक्षेत त्यांनी मृत्यालादेखील रोखून धरलं होत.

६ ऑगस्ट २०१९ ला सुषमा स्वराज यांनी अखेरचा श्वास घेतला.

भारतीय राजकारणातील एका कणखर नेतृत्व आज आपण मुकलो, मा. सुषमा स्वराज यांना भावपूर्ण श्रद्धांजली . ईश्वर त्यांच्या आत्म्यास चिरशांती देवो.